Archive for Heeso

Ciid Mubaarik! Ciid Mubaarik! Ciid Mubaarik!

September 29, 2008 at 9:29 pm · Filed under Heeso, Jacayl, Sheekooyin, Somali, Stories, Suugaan, Uncategorized

 

Leave a Comment

Bosaso: Qiso jacayl oo xiiso leh (Yabaniyo)

September 19, 2008 at 2:19 pm · Filed under Heeso, Jacayl, Qisooyin, Sheekooyin, Somali, Stories, Suugaan, Uncategorized

inkastoo naruuriyo nabad iyo barwaaqiyo nooluhu ku taamaan qaarbaa ku noolaan niyadoodu diidaa nabad iyo rayskana ku nagaan
karaynoo naawilaaya meel kale

hadaba jacaylku maaha wax lataabto ama la arko amaba wax jira
laakin jacaylka waa ladareemaa waxaana laga dareemaa xubnaha
jirkaaga waxad isku arkaysaa waxayaalo badan sida caajis ama
ruuxii aad jeclayd maahee mid kalaba kuuma muuqanayo
hadaba hadan intaa ku dhaafno arimaha jacaylka oo aan halkaan lagu soo koobi karin waxan halkan idiinku haynaa qiso jacayl oo
runtii aad u qiima badan hadab mar kale kusoo dhawaada

waxan ahaa gabadh soomaaliyeed isla markaana aad ujecel inay
wax barashada meel sare kagaadho waxan isku dayi jiray inaan
waligay lasheekeesan dhalinta xaafada iyo tan gobolkaba
hadaba maalin maalha kamida ayaan waxan jeclaystay inaan
u aaaaado waxbarashada gobolka bari gaar ahaan boosaaso
waxan ku dagay abtigay oo runtii aad ii jecel waxan kabilaabay
iskuulka nawaawi ee loo yaqan markazka
waxan kabilaabay fasalkayga 8aad
maalin maalmaha kamida ayaan waxan galaynay imtixaanka shahriga
waxan usoo baxay banaanka saan udaraaseeyo maadada carabiga
waxan halmara dareemay kuleel isoo galay kor ayaan fiiriyey
waxanba arkay wiil aan quruxdiisa lasoo kobi karin runtii dareen ayaa
igalay waxana isku dayey inaan lakulmo inanka hadan waan yara
xishooday
gabadh aan daris ahayn ayaan ku arkay iyadoo lahadlaysa
waxan uyeeray gabadhii
abaayo samsameey mafiican tahay maantase quruxlow ayaad
lasocotaaye
abaayo naciimo waan ladanahay wiilkana waxan nahay ilma adeer
ee manihin saaxiibo kawaran hadan ku baro walaalkay
aad ayaan uugu faraxsanahay inaad ibarto

Faadumo xasan cali(yabaniyo)
puntand/boosaaso
yabaniyo2008@hotmail.com
lasoco Qaybta 2aad

Comments (1)

Sawiro!!

September 14, 2008 at 6:17 pm · Filed under Heeso, Jacayl, Qisooyin, Sheekooyin, Somali, Stories, Suugaan, Uncategorized

Daawasho Wacan!!!

Daawasho Wacan!!

Comments (6)

Bilicda Dhulkeena

September 10, 2008 at 6:56 pm · Filed under Heeso, Somali, Suugaan

Daawo Dacalada dhulkeena bilicda lagu manaystay, ku raaxayso

Leave a Comment

Daawo Riwaayadii Qabyo 2

September 10, 2008 at 6:34 pm · Filed under Heeso, Somali, Suugaan

Daawo kuna raaxayso riwaayadii qabyo 2

Comments (2)

Khadra Daahir Cige (Hooyada Jacaylka)

September 10, 2008 at 6:11 pm · Filed under Heeso, Jacayl

In badan baa loo bukee u bog Khadra Daahir Cige (Khadra Dhool), daawo heeseheedi

Comments (2)

Daallo Daawo Dacalada

September 10, 2008 at 6:00 pm · Filed under Heeso, Somali

Daawo bilicda iyo dacalada Daallo

Leave a Comment

Waayaha Cusub ka daawo halkan

September 10, 2008 at 5:53 pm · Filed under Heeso, Somali, Suugaan

Halkan ka daawo Waayaha Cusub!!!!!

Leave a Comment

Daawo Gelbiska Hablaha Soomaaliyeed

September 10, 2008 at 9:16 am · Filed under Heeso, Suugaan

Halkan ka daawo Gelbiska hablaha iyo Ubax Fahmi

Comments (2)

Heeso Somali ah

June 22, 2008 at 7:45 am · Filed under Heeso, Somali, Suugaan

Adduunyada nin dhoofiyo
Ninkii degan dhulkii hooyo
Nin dhergiyo nin dhowr qaday
Aan dheef hayn
Dhedig iyo laboodba
Hawli kama dhamaatee
Qof walibaa wixii dhibay
Dhafoorkay ku taalaa
Ana dhaawacaygii
Jacayl dhidibka aastaan
La dheeldheeliyaa
Anba kuguma dhaafeen
Haday taadu dheelido eh
Maxaa dhacay dhankaagay
Ka jiiftaa dhaliishuye
Ma dhiirado nimaan garab
Wax lagula dhisaynine
Nafta dhool hilaaciyo
Dhibic baa u muuqdee
Ana dhaawacaygii
Jacayl dhidibka aastaan
La dheeldheeliyaa
Jacaylkeediii dhuuxiyo
Lafaha wuu u dhaadhacaye
Dhulkoo doog dhir iyo ubax
Dhamaan hadheeyeen
Dhawristeeda oo qudha
Ayaan dhawr ku qadayaa
Wali dhaban mid kula mida
Kama dhalanin adduunkee
Ana dhaawacaygii
Jacayl dhidibka aastaan
La dheeldheeliyaa

From Heeso qoraala, 2008/06/13 at 6:14 PM

    
 

Dad hadaad is qabataan
Ilay waad la doodaa
Dugaagoo ku weerara
Yurbaa lagula dabaalaa
Duufaanka xooga le
Waa laga ducaystaa
Shaykastoo nafta u daran
Waxbaa lagula daalaa
Belo waxa u digo kulul
Damci xume jacalylkaa
Daan daansi badanaa
Waa dira diraalee
Ninku maalintaa dago
Ama uu la helo dabar
Ayaa diifka abadkii
Dusha aad ka garataa
Darani inuu helay
Uu dakharo kaga tagay
Ana doorsan waayuhu
Daraygiisa may sudhay
Midaan digigixoonayn
Aa naftu maydulgalsaa
Naftu naftu naftu
Naftu maysku duubtaa
Iyana may igu digataa
Inaan doono mooyee
Miyaan dibad ka hoydaa
Dabku huro jaleecada
Uuka beermo daymada
Dunqulaalka shaydaan
Dhedo iyo xanuun iyo
Dabkay huriso barashadu
Inuu cudur da wayn yahay
Nin kuu helo dawoobayn
Inuu yahay dabiibtii
Intuu hore u dabar jaray
Ninkii qays ahaa kow
Ku daroo cilmina laba
Afartuu deldeliyoo
Ma ceeblaa dub loo arag
Inta layla kaga daray
Intuu daarka aakhiro
Ku daboolay caashaqu
Hodan haw danbaysee
Ma cid bay ka dedan tahay
Ana doorsan waayuhu
Daraygiisa may sudhay
Midaan digigixoonayn
Aa naftu maydulgalsaa
Naftu naftu naftu
Naftu maysku duubtaa
Iyana may igu digataa
Inaan doono mooyee
Miyaan dibad ka hoydaa

 

  
 

 

CEEL BUUR KU YAALAY by codkii Salaad Mohammed Derbi
Culays uma dhaqaaqdoo mana cararto,
Cagta socodka kuma dhererto ciidee,
Wey cidhib-sataa
Ceeb ma leh yartaniyoo
Caynkeeda oo kale
la cadaabi maayee
Waa curad ninkii dhalay,
Laga siiyo cuuddoo
Waa curad ninkii dhalay,
Mahad looga celiyaa
*** *** ***
Cuddudaha gamcaha
Cidayaha faraha,
Casarkii cadceeddoo
Godka cidhifka gelisoo
Ka sokeeya caaddoo
Falaadh wada casaanaa
Ku cadaysay baalaha
*** *** ***
Ama laanta canabkoo,
hoobaan la ciirtiyo
Cambaruud bislaadiyo,
cagaarkoo iftiimiyo
Caleen ubaxa bixisoon,
cidi daaqin weeye
Ilaa cidhibta hoosiyo
tinta caaradeeda,
Cad xun ku arki maysidee,
waxa ay la cayn tahay
*** *** ***
Cidla lama amaanee
Sida geed caleenoo,
cosob uu ka baxayoo
Intuu roob ku curanyay
Laamaha caleentii
ay midiba cayn tahay
Lagu wada ciyaaroo,
loo ciid tagoo
Caano iyo nabadloo
Ceel buur ku yaalay,
caynkiisa leedahay
*** *** ***
Ma cel-celiso haddalkoo,
runta kama cabsootee
Carab-dalable callool weecsan
Kugu lama caweyso
Cayn kastaba u eegoo,
cadho ku arki maysidee
Cid waxay ku dhaaftaa,
kolay camal samaantee,
Waa curad ninkii dhalay,
laga siiyo cuuddoo,
Waa curad ninkii dhalay,
mahad looga celiyaa
*** *** ***
Cuddudaha gacmaha
Cidiyaha faraha,
Casarkii cadceedoo,
Godka cidhifka gelisoo,
Ka sokeeya caaddoo
Falaadh wada casaana
Ku cadaysay baalaha
*** *** ***
Waxa ay la cayn tahay,
Cidna lama amaanee
Sida geed caleenoo
Cosob uu ka baxayoo
Intuu roob ku curanyay
laamaha caleentii
Ay midiba cayn tahay
Lagu wada ciyaaroo,
loo ciid tagoo
Caano iyo nabadloo
Ceel buur ku yaalay,
caynkiisa leedahay.

Comments (1)

Qamar [Beerdilaacshe iyo Magool]

May 13, 2008 at 5:02 pm · Filed under Heeso, Suugaan

Beerdilaacshe

Qormo roob helayoo
loo qaaniyeeyey
ay xareedu qarisaad
qamareey quruxdeeda leedee
qaadirkii ilaahey
qaayihiiyo sharaftii
qanjiidho koley tahey
kaama uu qadinine
markaan qamar ku eegaba
qamuunyaa ilagadee
qoortaada dheeree
lagu qorey cabaadhyaha
markaad xageyga
usoo qaloocisaa bey
ma liqdaa i qabataa

Magool

Qoraxdoo aroortii
qar la soo baxdoo
aan caadku qarinbaad
qumanow qabadeedii ledee
nabi yuusuf quruxdii
qaadirkeenu siiyaa
adna qeyb ka wadataayoo
qeyrkaa ku dhaaftee
hadaan qado anfaaciga
adaan kugu qaboobaa
markaad qunyar dhaqaaqdee
talaabada aad qadee
deymada il qabadka leh
qooraansigeedey
qososhaa nafteyduye

Beerdilaacshe

Labadaada qaariyo
dhexdu qabasho leedaa
geenya qeyl lahoo
loo qaadey heesaa
qotonkeeda leedee
dayax qanimadiisii
aan caadku qariniyo
cirku sagalku qeydiyo
qureyshtii haweenkaay
qadow geed ku yaaliyo
qawlihii magooleey
qoortaada dheeree
lagu qorey cabaadhyaha
markaad xageyga
usoo qaloocisaa bey
ma liqdaa i qabataa

Magool

Waxaan kugu qiyaasaa
ama kugu qadiriyaa
qabri hoose mooyee
qumanow qarnigaba ma noolee
qadaf ku hadli mayee
amaanta aan kuu qirey
waa mid aad u qalantood
qaayo aad ka gaadhee
wax ilaahey kuu qorey
lagaa qaadi maayee
markaad qunyar dhaqaaqdee
talaabada aad qadee
deymada il qabadka leh
qooraansigeedey
qososhaa nafteyduye

Comments (1)

Hibooy Heedhe

May 13, 2008 at 4:59 pm · Filed under Heeso, Suugaan

Magool

Huqdaad i goysaa
la cidla laga hayaamee
hayinaan ku guuraan
heeryo saaro waayee
hiboow heedhee
ma marki aan heshiinaad
ayaad horumarkii iyo
wanagii hilmaamtay

Salaad Darbi

Hibooy kama hadal la aynee
hibooy hawlaha aduunkiyo
dhibaatay hor taagane

meehanaabayee
oo haraadayee
waxaba haysanaade

hoodiyo ayaaniyo
hibuu rag isku dhaafee
habeen dhalad ninkii ahna
talo kama habawdee
hibooy hadimada adaa leh

hibooy kolka waan hinqadayo
hibooy hareeraha i qaadaye
waxaan haabta waayee

Magool

Hinqaryada i haysiyo
duryan baa hadal batee
waxaad haabanaysiyo
hanti kuguma lurayee
hadhka labada galiniyo
hooskaa wareegee
hiboow heedhee
ma marki aan heshiinaad
ayaad horumarkii iyo
wanagii hilmaamtay

Salaad Darbi

Hibooy kama hadal la aynee
hibooy hawlaha aduunkiyo
dhibaatay hor taagane

Comments (2)

Onkod.. [Cabdi Tahliil]

May 12, 2008 at 2:57 pm · Filed under Heeso, Suugaan

Onkod roobku madaayo
aarna taaha madaayo
anna taa ma ilaawoo
jacayl ood rogan maayo
oon hilaac bi in maayo
ayro weerar madaayo
ninlihi aamusi maaayo
ergo geesi madiidoo
ilaah tiisu ma oosho
calaf la iska ma ooto
ubax dayr ma qarsoomo
godka lay iskuma aayo
ifka la isu tudhaayee
iilka la isma gar gargaroo
aboor la iskama baajee
nabsi hayga amaahan
axdigii ina dhex yiiliyo
ha iloobin aqoontee.

Asaagay usha toosan
iyo ooda hagaagsan
hayiinkii asabaadee
madigii afar deeqa
inantiina ilwaadsan
ee asluubi u dheer tahay
sidaan u asteysto
kuu eegana yaaye
hadaan aamin idhaahdo
waa aqoonta haweene
oo rag iiga danbeeyo
halka ay ka cawayso
uur ku taalada maada
arimidiisa jacaylka
anigu soo dhaxli maayo
nabsi hay iga amaahan
axdigii ina dhex yiiliyo
ha iloobin aqoontee.

Sida oogta hilaaca
ileyskeeda cadceeda
amaantaada libaaxa
malaa waanad ogeyne
ayaan uurkiyo maanka
wadnahayga agtiisa
sida aayad ku taalaa
uumiyaha u tusaayee
haadii aanu ibleysku
iga kaa anbineynin
inaad ii tudhi weydo
eegi maayo koley
arin kuuma hambeynee
araartii haku deeqdo
sina hayga adkeysan
nabsi hayga amaahan
axdigii ina dhexyiiliyo
ha iloobin aqoontee

Leave a Comment

Hubqaad

May 12, 2008 at 2:50 pm · Filed under Heeso, Suugaan

Hubqaad iyo qurux
yartii hanataay
haybad iyo sharaf
yartii looga hadhay
hubaal naftaydaay
tay u hilawdaay

Haykal iyo muuq
kaan u heelanow
haybad iyo maan
kii horseedow
naftan hugushaan
kay ku hiratow

Hablaha idilkood
tii aan ka helaay
haweenba dhamaan
tii aan la hayaay
hargeysa iyo hawd
taan ka haybshaan

Baxdawyadii herer
kaan ka helayoo
hanadoo idil
kii aan la hayow
tani iyo wadnuhu
kuu habayow

Hasaasaha guur
taan habsoobaay
hawaawir jacayl
taan hadraayaay
habeenada dheer
taan hilaabshaay

Hirka nololeed
kaan higsanayow
huqda caashaqa
kii igu huriyow
sida hoqol roob
kii u hirayow

Leave a Comment

Dhabta miyaan….

May 12, 2008 at 2:48 pm · Filed under Heeso, Suugaan

Dhiigiyo kalgacalkii
ee xidida dhamaystira
afka lagama dhawree
ma ogtahay dharaarahan
markan dhaban u seexdaba
inaan kugu dhadhabayoo
dhabteyda kaa dayoo
hadii aad dhab doon tahay
amba kuguma dhaafeen
hawlaha dhankeygee
dhinacaaga ila qabo

Siciid M Xaydar

Walaw dheylo aad tahay
ee hadana dhaqankiyo
dhaqashada ku wacan tahay
dharaar aragti ma ogtahay
caashaqan wax dheereen
dhedo roob la moodo
dhalanteed inuu yahay
jacayl kii dhawaan gala
dhaxal lagama gaadhee
horta dhab kaa yahay
waa inaan dhudhumiyaa

Labadooda

Imika dhudhumiyooo
miyaan soo dhawaadaa
awalba igama dheereyn
dhabta miyaan ku saaraa
dhibtan kula nacayaa
bal hadaba dhalaan sidii
dhabarkaaga igu qaad
dhenged waan ka fududee

Kinsi X Adan

Dhugmadiisu ruuxey
ee u dhantahay
ayuun buu dhibayaa
xishoodkuye
ma ogtahay dhigeyow
dhamanaanka awgaa
dariiqyada suuqyada
dhar la’aan inaan maroo
hadii aad dhab doon tahay
amba kuguma dhaafeen
hawlaha dhankeygee
dhinacaaga ila qabo

Siciid M Xaydar

Qoton dheer qoyaaniyo
ee dhex qotoma xareediyo
dhabi baxay la moodyeey
ma ogtahay dhaqsiinyuhu
hadii lacag dhalayaan
kaadsiiyuhu ma dhiciyee
dahab baan ka dhuran laa
jacayl kii dhawaan gala
dhaxal lagama gaadhee
horta dhab kaa yahay
waa inaan dhudhumiyaa

Labadooda

Imika dhudhumiyooo
miyaan soo dhawaadaa
awalba igama dheereyn
dhabta miyaan ku saaraa
dhibtan kula nacayaa
bal hadaba dhalaan sidii
dhabarkaaga igu qaad
dhenged waan ka fududee

 

Leave a Comment

Gacalo [Hees]

May 12, 2008 at 2:43 pm · Filed under Heeso, Suugaan

Caashaqa ha guul guulin
Ha udiidin gogoshiisa
Gacalooy wanaageena
Ha ku dumin garaadkaaga

Garashada ha waydeeynin
Ha u guuxin nacabkaaga
Gurbood ka iyo dhalaankeena
Ha baneeynin garabkooda

Gudintaad afeeyneeyso
Ha ku gooynin midigtaada
Gibilsha iyo awrkeeda
Laba gees ha kala geeynin

Hadalka iyo go?aankii
Talada iyo gudoonkii
Reer dhibtii iyo wixii gaadha
Rabbi ha ina garansiiyo

Gocashada ha baadh baadhin
Ha ufiirsan godobteeda
Guurka iyo sharaftiisa
Ha gar-geeyn jaceeylkeena

Imtixaanka gurigeena
Guddi odayo loo saarey
Hadii la isku wada geeyo
Boqol iyo lagbay gaadhey

Rag ninkaaney gabadhiisu
Gol daloolo ka ilaalin
Qayrkiisa garab jooga
Waligii ma gaadhaayo

Hadalka iyo go?aankii
Talada iyo gudoonkii
Reer dhibtii wixii gaadha
Rabbi ha ina garansiiyo

Dhirta lama garaacaanka
Gunta xididka ha u saarin
Geed midhaha laga goosto
Geestiisa lama gooyo

Guryo samo adoo yaala
Abaar reer lama geeyo
Adoon sahan ku guureeynin
Geediga ha heenseeynin

Gafka ruux intuu geeysto
Garawshiiyo laga waayay
Halka kibirku gaadhsiiyo
Gumartida ha loo joogo

Hadalkii iyo go?aankii
Taladii iyo gudoonkii
Reer dhibtii iyo wixii gaadha
Rabbi ha ina garansiiyo.

Leave a Comment

Jawaabtii Cali-maax ee uu u diray Cawral Bare [Qiso jacayl taxane ah]

May 9, 2008 at 1:27 pm · Filed under Heeso, Sheekooyin, Somali, Suugaan

Cawralaay johorad baad ahayd, jamatay laabtaydu,
Waxaad ahayd jannadaan raboo, jawda uu lahaaye,
Hayeeshee, jacayl waxaa ka adag, calafka jaangoyne,

Cawralaay dabayshaday dorraade, deri ma geeriyootay,
Daartii aakhiro la hub iyo, degelki mow fooftay,
Oo ma dardaarankii aad tiraa, dacar I leefsiiyey,

Ogoobey jacayl dihashadiis waa dab iyo naare,
Ogoobey waa soo duxanayaan, daqaradiisiiye,
Ogoobey waa doog aan lahayn, daawo iyo baane,

Ogoobey damiirkiyo qalbigu, way dam qanayaane,
Ogoobey dam baan ahay indhaha, daalaadhacaynaaya,
Ogoobey aniga dulmiyoo, dilay xabiibta ye,

Ogoobey anigaa deldeloo, dembi I haystaaye,
Ogoobey deyn baan qabaa, la iga deynayne,
Oo waxa deyradaas dhigayba, waa dib u dhacaygiiye,

Cawralaay ninkaan deelk a, iyo daalka kala soocin,
In kastuu dircoon yahay, haddana doqennimow dhoowe,
Ogoobey aqoondarridu,waa dulliyo leeleele,

Waa darxumo iyo hoog ninkey, dacalka saartaa ye,
Waa danqaaro waaweyn, haddaan laga dig toonaanin,
Ogoobey daacuunkiyo ka daran, dabargo’iisiiye,

War qaaddii daboollayd, markii daaha laga qaaday,
Oo dareenku galay uumiyaha, duq iyo waayee1ka,
Ogoobey dul iyo layga tuur, déliya dhaadheere,

Daraawiishta heegani, markay ban duleeydaysey,
Hadaan dayr la ii dhigin, ama dab in la ii qoolin,
Ogoobey daryeel iyo aroos, iyo dereg ma weydeene,

In kastaan dagaal iyo ku jirey, duullan iyo weerar,
In kastay i dershayn, kuwaan deris wadaageyney,
Ogoobey anigaa dayacay, dahab la mooddiiye,

Wixiise daayinkay qoray ayaan, abid ku deyneyne,
Nin Darwiisha waa lagu yaqaan, dirirta gaalaade,
U daryeel dalkaagii hadday, daano iga gaartey,

Duur waxaan ku noolaa beryoo, debedda meeraayey,
Wixii aan caleen daaqayeyoo, doogga guranaayey,
Bowdada waxaan duubayayoo, keli is daaweeyey,

Dabaysha iyo fooraha waxaan, degel madoobaadey,
Wixii aan atoor dilanayoo, dab in u tuuryeeyey,
Wixii aan dab waayayoo la baxay, madag intaan doontay,

Wixii aan biyaha doonayoo, oon i dili gaarey,
Derbi dhagax waxaan xaartayoo, keli is duubaayey,
Dabaxiir shabeel ahi wuxuu, igu dul meeraayey,
Denbi kuma lahayn Cawralaay, dib u dhacaygiiye,

Ogoobey haddii dirriku dhaco, dayaxu gaadow ye,
Ogoobey haddaan daaqu bixin, duunyo la cayrowye,
Ogoobey waxaan kaa danbayn, laba diraacoode,

Afartaasi waa iga dub nixid, dharigu hayn waayey,
Oo aan deegaye gacaladay, ugu baroordiqay,
Afar kalena waa iga duce, balaan daliileego,

Darriqii siraad oo ahaa, daliig sinsaanteeda,
Oo dabreeya wixii daalinoo, deli ka tuuryeeya,
Durduro laguu man, aadaan dab u cabsoonaynin,

Dacwadii lagaa dhaaf, catiid dareen wax weydiiyo,
Raqiibna ku da’yey oo ku daa, dun markuu waayo,
Dembi ma lihide Eebbahay, derejo kuu yeelyey,

Waanigaa dal dheer uga imi inaan duceeyaa ye,
Waanigaa dul suray xaashidii iyo dooddii aan qora ye,
Waataas deddootaye dadyahow ducada aammiin dheh,

Durdurkii firdowsiyo u hoyo, togaag durduuraaya,
Ku dabbaalo web igii jannada, damal haraynaysan,
Ku diihaal bax mira diir la’ood, debinta leefaysid,

Ilaahay duggaal iyo ku sii, malab durduuraaya,
Kaa hiraabi deeqdiisu waa, daraarta xoolaade,
Waxaad doontid oo idil ilaah dacalka ku saarye,

Waanigaa dal dheer uga imi, inaan duceeyaa ye,
Waanigaa dul suray xaashidii, iyo dooddii aan qora ye,
Waatas deddootaye dad yahow, ducada aammiin dhehe,

Rasuulkii ilaah deris la noqo, deneg allow yeelye.
Diyaafadaha kuu dhige malaa’ig, daacad ah oo joogta,
Waxaad dunida weydey oo idil, daleel lagaa siiye,

Waanigaa dal dheen uga imi, inaan duceeyaa ye,
Waanigaa dul suray xaashidii, iyo dooddii aan qora ye,
Waataas deddotaye dad yahow, ducada aammiin dheh,

Dar alluu ka yimid mow tika helay, dahabadaydiiye,
Arla durugsan baan jirey markay, derin ku qaadeene,
Haddaanse ku daakinay halkay, keli ku duugnayde,

Qabriyahow daboolani adaan, cidi ku deynayne,
Adigay dummaddaada tahay, dayax la mooddiiye,
yey dareemin hiirtaanyo iyo, delel kalow raaca,
yey dareemin hiirtaanyo iyo, delel kalow raaca,
yey dareemin hiirtaanyo iyo, delel kalow raaca,

Ogoobey waa sidaad u sheegtaye, anna aan u sheegaye,
waynoo daartii aakhiro iyadaan cidina deynayne,
Oo ogoobey waxaan kaa dambayn laba diraacoode.

Comments (1)

Cawrala bare iyo Calimaax [Qiso Jacayl]

May 9, 2008 at 1:25 pm · Filed under Heeso, Sheekooyin, Somali, Suugaan

Gacaliye Calimaax,

Calimaax sidii johoradeed, yaanan kuu jamane,
Jannadii sidaad tahay, yaanan jawda kugu hayne,
Dabadeed aan kala Jiidanne’e, mar ila soo joogso.

Calimaax, waxaad iga guddoontaa salaan kalgacal oo kasha iyo laabta ka soo go’day. Waxaad kaloo iga guddoontaa mahad weyn iyo salaan uurka ka soo baxday. Intaas waxaa ii raaca inaan warqaddan qoriddeeda bilaabay saddex jeer oo haddana saddexdiiha jeexjeexay, ilaa ay ugu dambaystii iga soo go’day inaan illawba ilaa kuu soo diro tanoo ah tii afraad oo jeexjeexiddii ka nabad gashay.

Ka maaggiddaas aan ka maagmaagay warqaaddana, waxaa iigu wacan welwel iyo walaac iyo waxaani garaflwaay oo ila soo dersey ilaa maalintii aragtideennu kow isu ahayd, ee ishaydu kugu dhacday laabtayduna ku raacday, oo ay isla mar ahaantii nafsaddaydu ku doontay.

Haddaba, ugu horraystii waxaan jeclahay inaan kaa is xusuusiyo waa intaasoo aad i illawsantahaye inaan ahay gabartaad huuriga ka soo wada raacdeen dekedda Cadmeed oo markii doonnida la soo koraayey aad gacanteed midig ku taageertay taada midig, dabadeedna doonnida soo wada raacdeen.

Magaalada Cadmeed maalintaan, casar ka soo dhoofnay,
Waxaan ahay middaad caawintood, cudud ku taageertay,
Waxaan ahay mid kuu cabatayoo, caashaq dhibayaaye.

Waxaan ahay mid habeenkii kowaad oo ay doonnidu gutiraha ahayd dhegaysanaysay haasaawahaagii iyo gabayadaadii macaanaa murtidana lahaa, ee adiga iyo odaygii Nuur Ciise la lahaa idin dhex maray, khaas ahaanna dheg ulahayd xifaalayntaadii ku saabsanayd habkiyo hannaankay reer miyigu kula dhaqmaan hablahay gursadaan iyo murwooyinkey qabaan.

War cilmigiyo haasaawihii, lagu caweynaayey,
Waxaan ahay codkaad tiri miduu, cudur geyeysiiyey,
Waxaan ahay mid kuu cabatayoo caashaq dhibayaaye

Habeenkii labaad ee baddu kacday oo roobkii mahiiggaanka ahaa ee onkodka, hillaaca, iyo hanqarka badnaa da’ ay doonnidiina degtay, waxaan ahay tii kuu baaqday oo aad gacaan qabatay iyadoo baaxaa degaysa dhawr jeerna hafatay.

Baddoo cartay mayeygaad ogayd, calool xumaantiisa,
Waxaan ahay cadraddaad siddoo, calaf u laabnaa ye,
Waxaan ahay mid kuu cabatayoo caashaq dhibayaaye,

Waxaan ahay mid abaal iyo mahad weyn oo aan la koobi karayn uurka iyo laabta kuugu haysa, biimahaad ka badbaadisay adoo dusha ku sidey muddo aan toddoba iyo toban saacadood ka yarayn, aadanna ka daalin sidneedkeedii ilaa aad berriga nabadgeliyo keentay inkastoo hambabarooyinkii iyo libaaxi badeed ma sigeen dhowr jeer.

Waxaan ahay cirkoo horay, iyo caadka oo kale’e,
Waxaan ahay casaan raaca iyo, midab casaawiira,
Waxaan ahay canabkii ka baxay, Calihi doognaaye,
Waxaan ahay car foon iyo udgoon, iyo cadarki Baariye,
Waxaan ahay mid kuu cabatayoo, caashaq dhibayaaye.

Waxaan ahay haddi runtii lagu arooro, Cawrala Barre oo ah middaan sheegay oo isheedu iyo laabteedi ku raaceen aragtideedii u horraysey, oo aad shaki la’aan nafteeda iyo ruuxeeda leedahay, aadanse adigu ogeyn iyaduse had iyo jeer, habeen iyo dharaar, hurdiyo soojee kugu hammiyeysa oo jacaylkaaga iyo kalgacalkaaga oo jiidhka iyo lafaha galay aawadood, oon iyo anfaco diiddey.

Waxaan ahay midaan cunin cuntada, calafka sooreede,
Waxaan ahay mid cadanyootayoo, cidihi dayrsheene,
Waxaan ahay mid caynkaaga iyo, caaqil mehershaa ye,

Ugu dambaystii waxaan ku soo gabagabaynayaa warqaaddaydan oo intaas ii weheliya Calimaaxow, dayax buuxa nuurkiisa lahaayow, mangaloot uduggiisa lahaa yow, waqayga Caleed iyo waadhida Hawdow, waago beryaaya wajiigiisa lahaayow, mayey hooray hanqarkiisa iyo hillaaciisa sansaanshow, balanbalkoo dildillaaciyo mnidadbka balanbaalista lahaayow, markii aan saxariray saacii i qabtow, Soomaaliyi quruxdeeda sinji bay ula lahayde sunnaari la moodyow, sed bursiimo lahaayow, inaadan marnaba arrinkan aan kuu soo qoray yaraysan, ee aad si degdeg ah war iigu soo celisaa ama aad i soo gaartaa aan aniguna raaxada adduun maqsuude adiguna aad muutsatee macaankii iyo roonaantii ay murwo u roonaan jirtey mudanaheeda.

Casarkii haddaan weel la culay, caano kugu siiyo,
Cishihii haddaan sarar cusbaale, kugu cashaysiiyo,
Oo waa caafimaad rage haddaan, cagaha kuu duu go,
Asaadan caloosha igu hayn, Caliyow yeelkaaye.

Waxaa iga dardaaran ah, haddaanan war buuxa ciyeen kaa helin inaad adigu wixii kalgacalkaagu i gaarsiiyo masuul ka tahaye bal ogow.

Ogoobey haddaan dayaxu jiriti, dirir ma nuureene,
Ogoobey haddaan daaqu bixin, duunyo ma foofteene,
Ogoobey haadday diiddo, waan degel baxaayaaye,
Oo hal iga dardaarana Calow, debinta maan saaro,
War diifta aan qabo hadday, digasho ii raacdo,
Waynoo daartii aakhiro, iyadaan cidina deyneyne.

Waa Gacaladaa Cawrala Barre, ee deggaan

Magaalada Xiis Xarrago

 


Comments (11)

Dookh!! Samatar iyo Magool

April 19, 2008 at 6:33 pm · Filed under Heeso, Suugaan

Samatar

Dalsankii wiriiroo
xiligii ku di i jiray
dabarsamuu ku onkoday
darantuna ugbaad tahay
oo ramasku dayr dhalay
deercadkisii loo dhigay
nirgaha mid duleedka
damalada hadhkoodana
dikriyeysa culimadu

Habluhuu dahab la moodiyo
doobkiyo barbaartuna
ilaa waaga daalaco
sacabka ayna dayneyn

Daymada sideedii
marka aan ku daawado
qalbiga ku diirsada

Dadna adaa ugu qurux badaney
jeegaanta roobkiyo
adaa doogna ka udgoon
dumarna waa adoo qudha
dookhna waa ka igu jira
duntuna iigu kaa xidhan

Magool

Dooliyo afmeero
roobaan dabayliyo
duufaan wax Qaadiyo
dibindaabyo lagu arag
oo mawluhu ugu deeqoo
dhulka meesha dididbka ah
daadkii kusoo jabay
dambaskii uu kala tagay
iyo digadii xoolaha

Uu Madarku dayr dhalay
hoobaan da’aysiyoo

Uu cirku dayr dhalay
hoobaan da’aysiyoo
malabyadii kadaatiyo
dusha midho ku leeyihiin

Daymada sidoo dii
marka aanku daawado
indhaha i daraan dara

Dadna adaa ugu qurux badaney
waagoo dilaaciyo
dabna adaa ka muuq dheer

Ragna doorkii baa tahay
dookhna waaka igu jiraa
duntuna iigu kaa xiran

Samatar

Xidigtii dagaar iyo
dayaxa iyo cadceedo
darisoo gantaalaha
dacalada ka baxayiyo
diilimo iska hor yimid
daheer damaano
cirka meel ka wada dagay
oo daga iyo nuurka
midabkooda dahabka ah

Daaweystay maalmuhu
dan wadaag shucaac u leh
sagalyaroo da’a a iyo
dusha caad isaga maray

Dar alee jaleecada
waxay dunida u eegyihiin
idileey adaa jira

Dadna adaa guu qurux badan
jeegaanta roobkiyo
adaa doogna ka udgoon
dumarna waa adoo qudha
dookhna waa ka igu jira
duntuna iigu kaa xidhan.

Magool

Ina soo barwaaqoo
dunida cawle ku onkodaye
dhulka mesha dirida leh
doogiyo xareedii
labadii is dabasheen

Duunyaduna galabtii
laxda sabada daaqdiyo
neyluhuna duleedkii
farduhu is dugsanayaan

Ooy dumarku hawlihii
soo dabaalaay leeyiihiin

Awrna dabarka lagu xidhin
meel dheerna laga dayin

Dayashada kal gacalka
marka aan ku daawado
indhaha i daraan dara

Dadna adaa ugu qurux badaney
waagoo dilaaciyo
dabna adaa ka muuq dheer

Ragna doorkii baa tahay
dookhna waakan igu jiraa
duntuna iigu kaa xidhan

 

Comments (1)

Tufaax

April 17, 2008 at 3:35 pm · Filed under Heeso

Lafoole

Sida meel tigaadloo
Dhirtu taan baxeeysoo
Xareedii baliga tiil
Onkodkiina galab da’ay

Sida loogu toosee
Loo tiigsadaa
Anigana tufaaxii
Iyo timirta caashaqaan
Soo taabo leeyahay

Fili meyn tabaaladan
Tahli waga igu dhacay
Fili-meyn talaabadan
Sidaad iigu tacadiday

Warankaad ku taagtiyoo
Tiiraanyadaadii
Halka ay la taal
Ku tusaye nafteydii
Hadii aad wax tari lahayd
Ama aad ka tagi lahayd
Adigeey adigeey
Adeey talo ku joogtaa

Sida sheekh turxaanli’i
Towxiidkiyo salaadii
Towbadii Ilaaheey
Wajigiisa ugu tagay

Sida loogu toosee
Looga wada tuf qaataa
Anna tamaaradeydii
Waa kaley nasiiboo
Farxad kuula taagnahay

Fili-meyn tabaaladan
Tahliwaaga igu dhacay
Fili meyn talaabadan
Sidaad iigu tacadiday

Warankaad ku taagtiyo
Tiiraanyadaadii
Halka ay la taal
Ku tusaye nafteydii
Hadii aad wax tari lahayd
Ama aad ka tagi lahayd
Adigeey adigeey
Adeey talo ku joogtaa

 

Comments (1)

Ubaxii Jacaylka

April 17, 2008 at 3:25 pm · Filed under Heeso

Axmed Olol Inshaar

Ubaxii jacaylkaay
adaa iga astaahila
amaaniyo bogaadin
hoo iga hoo
axadiyo xalaashii
waalidkeed asluubtiyo
anshaxiyo hiddaha baray
oori nimaad u noqotaa
aleyliyo aleylahee
ayaaniyo nasiib leh
indho iyo indhee jecel
isku aragti weeyee
ku arkayee ma kulanaa

Shankaroon

Intii aan ku odhan laa
waad igaga horeysoo
afkeygaad kala baxdee
adaa iga mudan
ab weeye wax garadkee
runta odorasayee
aqoontiisu weyn tahay
xaqa lagama iishee
aleyliyo aleylaheee
inaad aar libxaax tahee
noloshayda aayahay
ka sakow ilaahay
adigaa masuulka ahee

Axmed Olol Inshaar

Iliiliyo war xoolood
intuu aare roob heley
dhibtaa lagu ilaawoo
lagu oon baxay
ayaad iiga dhigantoo
eegmadaa jaleecada
indhahaad u roontee
oori nimaad u noqotaa
aleyliyo aleylahee
ayaaniyo nasiib leh
indho iyo indhee jecel
isku aragti weeyee
ku arkayee ma kulanaa

Shankaroon

Sheeko uur jacayl galay
af-gobaadsi maahee
aragtaye miyaan wali
ujeedada idhi
eed ka li id xagaygee
isagaa awood lee
ilaah raali kaa noqey
xaqa lagama iishee
aleyliyo aleylaheee
inaad aar libxaax tahee
noloshayda aayahay
ka sakow ilaahay
adigaa masuulka ahee

Leave a Comment

Salal (Axmed Cali Cigaal)

April 17, 2008 at 3:18 pm · Filed under Heeso

Wali soo dhaweyntiyo
salaanta iyo bariidada
kuguma aanan saluugine
suubanida weedhiyo
su’aashuna i deeqdee
sasaba iyo xeeliyo
sidey kugu dilaan bey
sir haween u badantee
saxar anigoon qabin
waxa aan la salalaa
i salaaxdey dhabankee
dhunkashadu sidey tahay

Wali sahashigaagiyo
seefteyda hadalka ah
iskumaynaa saluugine
kolkii aynu diir qudha
islama aynu suganine
sasaba iyo xeeliyo
sidey kugu dilaan bey
sir haween u badantee
saxar anigoon qabin
waxa aan la salalaa
i salaaxdey dhabankee
dhunkashadu sidey tahay

Wali suuda dheeriyo
sahankaan ku maqanahay
ee siifog sanadahaa
reerkiina sada yaal
igama aanad soorine
sasaba iyo xeeliyo
sidey kugu dilaan bey
sir haween u badantee
saxar anigoon qabin
waxa aan la salalaa
i salaaxdey dhabankee
dhunkashadu sidey tahay

Leave a Comment

Ballan kula dardaarmee…..

April 17, 2008 at 3:14 pm · Filed under Heeso

Sahra Axmed

Dawadii nafteydoow
balaan kula dardaarmee
dabuubtaan ku leeyahey
ku daabaco qalbiga oo
waligaa hasii deyn
duushayee allow nabadey
qoraxduna dalaalimo ee
caashaqana daadihi
waliga hasii deyn

Xassan Adan

Darmaan taan jeclaayey
balaan kula dardaarmee
dantu wada jir weeyee
docdaada yey ka beylihin
anna teyda igu daa
dunida oo barwaaqa ahey
dalka nabad ku sii joogee
caashaqana daadihi
waligaa hasii deyn

Sahra Axmed

Dayaxii iftiimow
balaan kula dardaarmee
dumarkana adoo kale
ta heshaa ma deysee
dookhaaga ka adkow
duushayee allow nabadey
qoraxduna dalaalima ee
caashaqana daadihi
waliga hasii deyn

Xassan Adan

Deymada u rooney
balaan kula dardaarmee
kuwa loogu dow-galey
labadii is doortee
kala dila dadka is jecel
ayaaney isku keen dirine
dunida oo barwaaqa ahey
dalka nabad ku sii joogee
caashaqana daadihi
waligaa hasii deyn

Leave a Comment

Aramiduu (Magool iyo Tubeec)

April 16, 2008 at 1:47 pm · Filed under Heeso

Magool

Intaan aamusnaayee
amakaagsanaabuu
wakhtiguna ordaayoo
waayuhu i ooteen
aramidu isoo ridan
maad iman agteydoo
ana aan ku eegtee

Tubeec

Amraney nasiibkaa
waxbaad u ladee
waa wada amaarado
dhibaatada adduunkuye
arimadu isoo ridan
maad iman agteydoo
ana aan ku eegtee

Magool

Asalkaba jacaylku
intuu ugubka igu yahay
ee nuqudka iga galin
oogada ku sii fidin
aramidu isoo ridi
maad iman agteydoo
ana aan ku eegtee

Tubeec

Ayamahan daraadaa
anfacadii ka go’ayoo
ambadoo habaaboo
waanigaa asqoobee
aramidu isoo ridi
maad iman agteydoo
ana aan ku eegtee

Leave a Comment

Amaan (Hees)

April 16, 2008 at 1:43 pm · Filed under Heeso

Lafoole & Xabiiba Xassan Toxow

Sida hooyo ubadkeeda
uur iyo ku qaad dhabarka
oohin iyo udiid silica
anshax iyo wanaag barista
aayaha u korintaanka
ayaad uga egtahey samirka

Eed maleh nafteydani
hadey ku ogolaatee
waa amaantada inaad u qolantaa

Sida gaaf arooskiisa
alalaaska dumarkeena
galbiska iyo asluubtooda
ayaad uga egtahey sharafka

Eed maleh nafteeydani
hadeey ku ogolaatee
waa amaanta inaad u qalanta

Sida ubaxa iyo dooga
ama uduga reexaanka
ayaad inanyahoow adigu
sida ehel nafta u tahaye

Eed male nafteeydani
hadeey ku ogolaatee
waa amaanta inaad u qalantaa

Sida ololka nuurkiisa
ama dayax ilayskiisa
ayaad iila egtahey muuqa
indhahaad ula egtahey quruxda

Eed maleh naftani
hadeey ku ogolaatee
waa amaanta inaad u qalantaa

Comments (1)

Older Posts »